Burrunba haundia entzunen da gure herrian heldu den irailaren 22an Urdazuri aldeko guden berrehungarren urtemugaren karietarat. Goizeko 9:30etan danborrada eginen da karrika nagusian eta oren erdi geroago meza ospatuko da. Elizikizunetik lekora, Frantziako soldaduen arma hartzea antzeztuko da eta lore eskaintza eginen da hilen oroitarrian. Geroago, danborrada, zintzur bustitzea eta bazkaria apailatu dituzte Ibarrun auzoan.