Nafarroako Gobernuak Etxalar, Goizueta eta Leitzako Udalen kontra jo du Herriko Etxean ikurrina paratu dutelako, eta administrazioarekiko auzietako epaitegiaren aitzinean inpugnatu egin ditu. Gisa beran, ikurrina Udaletxeetatik kentzeko eskatu die.
Nafarroako Ikurren Legearen arabera, eraikin publikoetan herri bakoitzeko bandera, Nafarroakoa, Espainiakoa eta Europakoa baino ezin dira jarri. Gobernuak Foru Poliziaren txostenean oinarrituta inpugnatu ditu hiru Udalak, Leitzan abuztuaren 12an eta Etxalarren eta Goizuetan abuztuaren 15ean, Udaletxeetan hiru bandera zeudela erranez: herrikoa, Nafarroakoa eta ikurrina.