Orain dela hilabete pasa bestetan geunden, eta geroztik alerik ez denez atera, aurtengo bestak nola joan diren kontatuko dugu aldi honetan. Bezperan, haur krosa eta ipuin kontalariaren saioaren ondotik, bestei hasiera eman zien suziria piztu zuen Hilario Sukilbidek, alde batetik, urte aunitzez herrian duen jantoki famatuagatik eta bertzetik, bere ezkontzarekin ia herri guztiak besta egun potolo bat izandu zuelakoz.
Santio egunean, goizez dantzak izandu ziren eta arratsaldez patata tortilla lehiaketa egin eta ondotik jendeak dastatzeko aukera izan zuen.
Ortziralarekin, haurren eguna izandu zen. Goizez puzgarrietan gozatu zuten neska-mutikoek eta bazkal ondotik, magoaren saioa eta serway izandu ziren. Helduak musean aritu ziren. Eskalatzeko rokodromoa goian zegoenez, berendua plazan egin zen.
Larunbateko zikiro egunarekin akitu ziren bestak. Lehenik tokan jokatu zuten herritarrek eta gero bazkaldu. Ondotik, jo eta su dantzan aritu ziren eta horrela agurtu zituzten bestak.