Hamar urteren ondotik zuzendaritza berritu du Erreka Kirol Elkarteak

Zuzendaritza Batzordeko kide berriak izenda­tu dituzte Erreka Kirol Elkartean. Hala, Joseba Le­garra da orain le­hen­da­­karia, Xanti Uterga lehendakariordea, Koldo Lega­rra diruzaina eta Pascual­ Bertiz idaz­karia. Baina izen berriak sartzearekin batera, lan egiteko modu­ berria ere paratu dute mar­txan: ba­tzordeak eratu dituzte lana ahalik eta gehien banatzeko eta beraz, dena ez da ba­tzuen gain geldituko. 

 

Eskubaloi batzordeko arduradunak David Mindegia, Ibai Marizku­rrena eta Jabiertxo Almandoz dira. Kros eta San Silves­tre batzordean Xanti San Migel, Luismi Apezetxea, Patxiku Ganboa eta Felipe Ganboa ari dira. Eguberrietako saskiaren ba­tzor­deko arduradunak Pa­txiku Irigoien, Jokin Ape­zetxea, Nerea Telle­txea eta Xabier Bañares dira. Komunikazio batzor­deaz (bloga, facebook, twitter) Leire Uterga eta Pa­blo Elizondo arduratu­ko dira eta Errekaren Egu­neko batzordea ­Juan Te­lletxea, Eduardo Almandoz eta Zuzendari­tza Ba­tzordeak osatu dute. Men­diko batzordekidea Alejandro San Migel da, pilotakoa Pa­txi Ordoki, judokoa Oskar Mindegia, txi­rrindulari­tza­koa Xabier­ Bañares eta sortu berria den tria­tloi­ko batzordekidea Gorka Bidegain. Dan­tza Taldeak ere elkarte barrenean segituko du.

 

Hamar urte pasatu dira­ Juan Telletxea, Xabier Bañares, Jabiertxo Almandoz eta Pablo Elizondo Erreka Kirol Elkarteko zuzendaritzan sartu zirenetik, hasieran Xixo La­rraza eta Iñigo Juanenearen laguntzarekin eta gerora Ibai Marizkurrena­rekin. Ez dira bakarrik aritu­ lanean, aitortu dutenez, «luxuzko kolaboratzaileak» izan baitituzte. Kargua utziko dutela erra­nez, hamar urte hauen balantzea egin dute.

 

«Gure helburua Erre­karen filosofia babestea izan da», adierazi dute: «kirola ahalik eta jende gehienarengana ailega­tzea; neska-mutikoei gure modalitateak bertze kirol edo jarduerekin bateragarri egitea horretara­ko inolako arazorik jarri gabe; alderdi ekonomikoa gurekin egoteko oztopo izan ez dadin saia­tuz, eta kasu gehienetan Errekan joka­tzeak gasturik eragin ez dezan lortuz». Laburbilduz, «kirola­ herritarren artean zabal­t­zea». Onartu dute «ez dela erraza izan, eta are guttiago oraingo egoera ekonomikoa zein­ den ikusita, baina ahaleginarekin lor­tzen ari gara».

 

Kirol guztien gainetik, eskubaloia da nagusi Erre­­ka Elkartean, euren hitzetan «kirol erre­gea»­ da. Honen inguruan, atzean­ utzitako «urte txa­rren» inguruan ere aritu dira, «talde gutti ziren eta etorkizuna ilun zegoen» garaia aipatuz. Baina egoera aldatu da, eta «gaur egun Donezteben eskubaloiaren egoera hagitz aberatsa da». Da­tuak­ dira lekuko, denboraldi honetan zortzi talde­ eta 150 jokalari baino gehiago izanen baitira. 

 

Momentu gogoan­ga­rriak ere izan dituzte, Ibai Meoki eta Niko Mindegiak maila gorenean egindako debutak kasu. Eta Final Fourraz ere ez dira atzendu. Horrekin batera, lehendik egiten ziren jarduerei eusteaz gain, berriak ere sartu dituztela azaldu dute: San Silves­tre lasterketa edo Errekaren Eguna. Dan­tza Taldea ere ez dute alde bate­ra utzi: «are gehiago haz­ten baikaitu». Udalari esker, bertze 20 urterako egoi­tza badutela ere gogorazi dute. Himnoa ere badutela, eta teknologia be­rrietan ere eskua sartu dutela gaineratu dute.

 

Urte hauetako «unerik gogorrena» orduko Udalarekin izandako affai­re izan dela erran dute: «kirol instalazioen era­bile­ra kobratu nahi zigun. Ten­tsio haundiko uneak izan ziren, baina zorionez, proposamena baz­ter­tu eta arazoa konpondu zen. Erre­pikatu ezin den amesgaiztoa izan zen».

 

Garai horiek­ atzean utzi­ta, errele­bua emateko ordua dela­ uste dute eta urte hauetan bidelagun izan dituzten guztiei «bihotzez­ eskerrak» eman nahi izan dizkiete. Hala ere, aitortu­ dute zuzenda­ritza berriaren ondoan egonen direla, «behar duten guztirako». Ez baitaude «kendu baino auni­tzez ere gehiago eman dien» elkartetik urru­ti egoteko.