Abuztuaren 27an ordezkarien batzordeak bilera egin zuen Arkupeak-en egoitzan. Lehendakariak zortzigarren boletinean bildu diren hainbat gai azaldu zituen. Jardueren artean, erran, Bazkidearen Eguna urriaren 17an eginen dela.
Urtea bukatu aitzinetik bidaia gehiago egiteko aukera ere izanen da. Urriaren 31n Lodosara joanen dira, baina aurten, Lizarrako azokara joan ordez, San Pedro eliza, San Migel edo zubi ospetsua bisitatuko dituzte. Tenerifera azaroaren 4tik 11ra joanen dira eta itsasoa zeharkatuz, azaroaren 10etik 22ra Machu Picchura joanen dira. Honen inguruan, ortziralean, hilak 6, bilera eginen da Arkupeak-en egoitzan, 18:00etan.
Bestalde, ikastaro eta hitzaldien berri ere ageri da boletinean, eta Ainara podologoa lanean ari dela aipatzen da. Eguberrietako loteria ere banatu zaie ordezkariei eta nahi duenak beraiekin jarri beharko du harremanetan.
Boletina osatzeko, pentsionista eta erretiratuei krisiak nola eragiten dien azaltzen duen artikulu bat bildu da.