Añeriko Lorategian egiten ari diren lanak aurten akituko direla aurrikusi dute, hura errekuperatu eta Bertizko Natur Parkeko bisitariek erabili eta goza ahal dezaten datorren urtetik aitzinera. Horretarako, 2013an gaizki osatutako edota gaixo dauden zuhaitzak mozten segituko dute, bideak mugatzen, lurreko eskailerak konpontzen, eta heskaiak inausten.
Bertizko Parkeko erabilera publikoari dagokionez, berrikuntza gisa, ingurumen-boluntariotzaren kontzeptua sartu nahi da eta, horretarako, izan daitezkeen jardueren proposamen bat eta boluntarioen prestakuntza landuko da. Bertzalde, Bertizko Natur Parkeak gidatutako ibilbide-zerbitzuen eskaintza handituko du Lorategi Botanikoaren eta Baso Mintegiaren arteko ibilbide berria abian jarriz.