Asteburu honetan Oizek ere hartuko du besten lekukoa eta ostiraletik igandera adin guztietako jendearendako ekitaldiak prestatu dituzte. Udaletik bi ohar jakinarazi dituzte: alde batetik, bestetan egunero izanen direla haurrendako puzgarriak, eta bertzetik, bestetan gerta litezkeen arazoez herria ez dela arduratuko. Hau izanen da hiru egunetako egitaraua:
Ortzirala, irailak 6
18:00etan haurrendako jokoak izanen dira plazan eta ondotik, haurrendako eta helduendako txokolatea. 20:00etan bestei hasiera emateko altxaferoak botako dira eta herriko trikitilariak herrian barna ibiliko dira. 21:00etatik aitzinera Zopak dastatzeko aukera izanen da Herriko Ostatuan eta gauez dantzaldia izanen da JOXEANJEL akordeoilariarekin.
Larunbata, irailak 7
10:30ean gazteen laxoa txapelketako partida jokatuko dute Oiz eta Arraiozko taldeek. • 14:00etan herri bazkaria eginen da, Sustrai Colina eta Julio Soto bertsolariekin eta JOXEANJEL akordeoilariarekin. Arratsaldez eta gauez dantzaldia izanen da AIERRIK taldearekin.
Igandea, irailak 8
11:00etan Meza Nagusia izanen da eta ondotik luntxa Herriko Ostatuan. 13:00etan aizkora apustua jokatuko dute Juan Jose Lopez eta Joseba Otaegik. 17:00etan mus txapelketa eginen da elkartean. 17:30etik aitzinera Sunbillako dantzarien saioa izanen da eta 19:30ean herritarren arteko X. Patata Tortilla lehiaketa. Ondotik, tortilla, xingarra, txistorra eta gazta dastatzeko aukera izanen da. Arratsaldez eta gauez dantzaldia izanen da BIXENTE akordeoilariarekin. Bestei bukaera emateko, kalejira eginen da herrian barna eta GAIXOA NI.