Gizarte Zerbitzuen tokiko erankudeentara 11,3 milioi euro bideratuko ditu Nafarroako Gobernuak, eta horietatik 675.986 euro eskualdeko erakundeentzako izanen dira. Malerrekako Mankomunitateak 132.007 euro hartuko ditu; Baztango Udalak 150.737 euro; Leitza, Areso, Goizueta Aranoko Mankomunitateak 217.293 euro eta Bortzirietako Mankomunitateak 175.949 euro. Dirulaguntza 2013 eta 2016 urteen artean banatuko du Nafarroako Gobernuak.
Erabiltzaileak 2012an
Malerrekan 501 lagunek jo zuten Malerrekako Gizarte Zerbitzuetara joan den urtean, hau da, biztanleriaren %9,1.
Baztango Udaleko GIzarte Zerbitzuetan 241 erabiltzaile izan zituzten 2012an, biztanleriaren %2,78.
Leitza, Areso, Goizueta eta Aranoko Gizarte Zerbitzuen Mankomunitatean, 644 erabiltzaile zenbatu zituzten joan den urtean, biztanleriaren %16.
Bortzirietako Mankomunitatean, azkenik, 672 erabiltzaile izan zituzten iaz, biztanleriaren %7,72.