Eratsunen ostegun honetan hasiko dituzte Lokariko Amabirjinaren omenez ospatzen dituzten festak. Igandera arte musika, kirola, otordu eta bestelako ekitaldiez gozatzeko aukera izanen dute. Egunez egun, hau izanen da egitaraua:
Osteguna, irailak 5
20:00etan festei hasiera emateko suziriak botako dira eta 21:00etan Baztan Zopak dastatzeko aukera izanen da.
Ostirala, irailak 6
10:00etatik aurrera txistulariak herrian barna ibiliko dira eta 11:30ean etxez etxe akordeoilariarekin. 18:00etan pilota partidak jokatuko dira: alde batetik, lau t’erdian Ioldi eta Chaffe, eta bestetik, Ezkurdia-Linzoain, M. Goñi-Eskuderoren aurka. Arratsaldez eta gauez dantzaldia izanen da MODESTO akordeoilariarekin.
Larunbata, irailak 7
10:00etatik aurrera txistulariek herria alaituko dute. 11:00etan Mus Txapelketa jokatuko da. Sariak: bikote txapeldunak bildots bana eramanen du, bigarrenak bina txuleta eta bina botil ardo eta hirugarrenak bina txuleta. 14:00etan herri bazkaria Bankako abeslariek alaitua. 18:00etan Doneztebeko Erreka Dantza Taldearen saioa izanen da. Horrez gain, arratsaldez eta gauez dantzaldia izanen da MODESTO akordeoilariarekin.
Igandea, irailak 8
10:00etatik aurrera txistulariak herrian barna ibiliko dira. Goiz eta arratsaldez umeen parkea ere paratuko da puzgarriekin. 11:00etan Meza Nagusia izanen da Lokariko Amabirjinaren omenez. 12:30ean aizkora apustua jokatuko dute: Erasun-Saralegi, Rekondo eta Titoren aurka. Bidenabarrean, patata tortilla lehiaketa eginen da eta irabazleak bi afari eskuratuko ditu. Ondotik, sagardo dastaketa eginen da. 18:00etan pilota partidak hasiko dira: alde batetik, lau t’erdian Zamora eta O. Elizalde ariko dira eta bestetik, U. Elizalde-Etxamendi, Olano-Lamaren kontra. Ondotik eta bestak akitzeko, dantzaldia izanen da MODESTOrekin.