Ohorezko erregional mailan ari diren Lesakako Beti Gaztek eta Leitzako Aurrera futbol taldeek lagunarteko partida jokatuko dute ortzegun honetan, abuztuak 22. Lesakako Mastegi futbol-zelaian jokatuko dute partida, 19:30ean. Horrekin batera, bertze lagunarteko partida bat ere jokatuko du Beti Gaztek aste honetan, larunbatean, 11:30ean Irungo Mariño taldearen aurka.
Denboraldia prestatzeko bilerak
Lesakako Beti Gazte Elkarteak denboraldia prestatzeko bi bilera eginen ditu aste honetan. Alebinen futbol taldekoak ortzegunean 19:00etan bilduko dira Beti Gazteren egoitzan. 2002 eta 2003 urteetan jaiotakoak deituak daude bilera honetara.
Aurrebenjamin eta benjamin jokalariak eta gurasoek, hau da, 2004, 2005 eta 2006an jaiotakoak eta euren gurasoak bertze bilera bat eginen dute ortziralean, abuztuak 23, 19:00etan Beti Gazteren egoitzan.