Julen San Miguel doneztebarrak ez zuen arazorik izan Kutxa txapelketako bere lehen partida irabazteko eta markagailuan bikoiztu egin zuen Jon Juaristi zarauztarra (30-15). Urrats handia, kasik erabatekoa eman du finalerdietan sartzeko. Dirua 100 40ri atera zen San Miguelen alde eta segidan, katedra zuzen zebilela erakutsi zuen. 3-0 irabazten hasi zen eta Juaristi 4-3ra hurbildu bazen ere, bere kolpea eta sakea atera zuen doneztebarrak (15-6). Abantailarik handiena 17 tantukoa izan zuen San Miguelek (27-10) eta azken emaitzak (30-15) erakusten du bere nagusitasuna. Sakearekin 10 tantu egin zituen, baina Juaristiren sake errestoan ere 8 lortu zituen.
Abuztuaren 6ko emaitzak Galarretan
1. Ezkurra II-Larrañaga, 35; Segurola-Aizpuru III, 22
2. San Miguel, 30; Juaristi, 15 KUTXA 2013 TXAPELKETA
3. Endika-Barrenetxea IV, 31; Matxin III-Ion, 40
4. Matxin VI-Saldias, 30; Etxabe II-Labaka, 25