Ekonomia solidariorako proposamenak aurkeztuko ditu

Egun bizi dugun krisi ekonomikoaren eta puntu honetaraino ekarri gaituzten egoeren aurrean hainbat proposamen plazara­tzen ari dira bai Euskal Herrian baita gure eskualdean ere. Honen inguruan, Bidazi elkarteak Ekonomia solidario eta alternatiborako proposamenen aurkezpenak eginen ditu.  Horrela, uztailaren 11n Coop57 eta Trukeados-en aurkez­pena eginen da 19:00­etan Berako Beralandetan. Uztailaren 16an Con tu dinero doku­men­talaren emanaldia eta "Fiare" banka eti­ko­aren aurkezpena eginen da Lesakan, Koskontako Bideko erabilera ani­tzeko aretoan.

Coop57 banka etikoaren printzipioetan oinarritzen da, eta proiek­tu sozial eta etikoak finantzatzeko kooperatiba da. Katalunian sortu zen, baina Aragoi, Madril, Andaluzia eta Galizan ere presente dago, eta egun Euskal Herrian osatzen ari dira. Trukeados-ek denbora trukearen bidez lan egiten duten zenbait talde biltzen ditu, horietako batzuk zo­nalde­koak. Con tu dinero dokumentalean bankuek gure diruarekin egiten dutenaren berri ematen zaigu eta azkenik, Fiare banka etikorako proposamena aurkezten da, ekonomi eta gizartearen helburu pertsonak dituena.
 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun