Maider, Peio eta Xabi aspaldiko lagunek kantua bihotzetik maite dute. Hiru senpertarrek elgarrekin kantatzen dute aspalditik eta 2006an herriko bestetan bertan behera gelditu zen kantaldi bat ordezkatu zuten deus prestatu gabe. Bat bateko esperientzia gustukoa izan zuten eta geroztik Hiru Soinu taldea osatu dute.
Herriz herri ibili eta, iaz Kantu Txapelketako lehen saria irabazi zuten Donostian. Udaberrian beren lehen diska grabatu dute Beskoitzen eta udako lehen egunean, Agorila disketxearen eskutik, "Horratzetik hari" plazaratu dute, euskarazko 13 kantu biltzen dituen diska. Amotzeko besten karietara aurkeztu zuten lehen aldiz taulen gainean.Orain bestaz besta ibili nahi dute beren kantuak eta musika ezagutarazteko.