Uztailaren 13 eta 14ko asteburuan tailer batzuk eginen dira, non ariketa fisikoak izanen diren emakumeentzat. Nahi izanez gero 13an bakarrik egin daiteke. Ariketa fisiko horiek Chi kun izena dute, Txinatik etortzen den teknika bat delako. Chi: oinarrizko energia eta Kun: zaindu eta sustatu.
Tailerra emanen duenak aipatu digunez, «gure oinarrizko energia zainduko dugu, bereziki aldaketa hormonalekin zerikusia dutenak, gure bizitzako fase ezberdinetan. Hau da, hilekoarengatik ditugun aldaketak, haurdunaldia, haurdunaldi ondorengoa eta menopausia».
Oinarrizko ariketa batzuk ikasiko dituzte, gero norbere etxean praktikatzen ahal direnak, bakarrik edo taldean. Astean behin gelditzen dira Donamarian praktikatzeko. Ariketa suabe hauek, adin guztientzat egokiak dira, »eta lagunduko digu gure gorputza sano egoteko eta gure ziklo ezberdinak lasaitasunean igarotzeko». Tailerra Raymonde Mayer-ek (http://www.zhongfu.fr/) ematen du. Informazio gehiagorako, deitu Cristina: 677934352 - 948451520 edo e-postara idatzi: info@kibai.es.