Nahiz eta berri hauek idazterakoan oraindik egun batzuk falta, gure herriko xokotan hainbat eta hainbat su piztekoak ziren San Juan suaren aitzakian. Aurreko egunetan han eta hemen kartoiak, paperak... gordetzen eta biltzen ibili ziren gaztetxoak. Iturenen herriko plazan biltzeko ohitura dute herritarrek suaren aitzakian merendu bat egiteko, gero su gainetik saltatzeko. Aurtitzen ere berdin ibiltzen dira, suen inguruan saltoka.
Duela urte batzuk aurtiztarrek aspaldiko bertze ohitura bat berreskuratu zuten. San Juan bezperako afaria ekainaren 22an ospatu zuten elkartean,giro eder eta politean pasatuz arrats partea.