Erreka elkarteak, Herriko Etxearen laguntzaz, Udako Kirol Eskola antolatu du aurten ere. Zonaldeko haur eta gazte aunitzek parte hartzen dute azkeneko urteetan eta aurtengoan hamahirugarren edizioa beteko du. Kirol ezberdinak lantzen dira eta uda pasatzeko bertze modu bat eskaintzea du helburu.
Astelehen, asteazken eta ortziralero eginen da, uztailaren 10etik abuztuaren 2ra. Eskoletako frontoian eta kiroldegian izanen dira, 11:00etatik 12:00etara talde batean, eta 12:00etatik 13:00etara bertzean. Prezioa 33 eurokoa izanen da bazkideentzat, eta 36 eurokoa ez direnentzat. Izena emateko Itziar Jorajuria monitorearekin harremanetan jarri behar da (699 572 515 telefonoan edo itziarjorajuria@hotmail.com e-posta helbidean.
Bertzetik, udalak 3 eta 12 urte bitarteko neska-mutikoei zuzendutako ludoteka zerbitzua eskainiko du eskolako gimnasioan uztailaren 1etik abuztuaren 30era, larunbat eta igandetan izan ezik, 9:00etatik 13:00etara. Bertzeak bertze, jarduerak igerilekuan eta euskara-ingeleraz eginen dute, tituludun hezitzaileen eskutik. Izen emateko epea ekainaren 25ean akitu zen, baina gerta liteke oraindik leku libreak izatea. Kuotei dagokienez, hamabost egunerako 80 euro ordaindu behar da, hilabetekoa 125 euro, hilabete terdikoa 200 euro eta bi hilabetekoa 250 euro. Deskontuak ere eskainiko dituzte.