Erreka Elkarteak Doneztebeko Udalaren laguntzaz antolatutako 35. Herri Krosa ekainaren 23an eginen dute. 10:30ean hasita korrikalari ttikienak ariko dira eta 11:30ean hasiko da proba nagusia.
Goizeko 10:30ean, ttikienak aterako dira, maila berezia (75 metro), prebenjaminak (420 m.), alebin neskak (1.140 m.) eta mutikoak (1.690 m) eta infantil neskak (1.690 m.) eta mutikoak (2.340 m.). 11:30ean abiatuko da proba nagusia, kadeteekin (neskak 1.825 metro eta mutikoak 3.650 metro) eta jubenil senior eta beterano mailetako korrikalariekin. Hiru kategoria hauetan, emakumeek 3.650 metro egin beharko dituzte eta gizasemeek 7.300 metro. Sariei dagokienez, gizonezkoetan 120 euro eskuratuko ditu irabazleak, 90 bigarrenak, 60 hirugarrenak, 45 laugarrenak eta 30 bosgarrenak. Emakumezkoetan, irabazleak 60 euro eskuratuko ditu, 45 bigarrenak eta 30 hirugarrenak.