Igande honetan, hamabigarren aldiz mendi bizikleta ibilaldia antolatu dute Saran. Bi ibilbide izanen dira aukeran, bat 20 kilometrokoa eta bertzea 40 kilometrokoa.
Sarako Turismo Bulegotik jakinarazi dutenez, kaskoa beharrezkoa izanen da, baita lizentzia edo medikuaren agiria ere eta gazteek heldu batek lagunduta joan beharko dute. Parte hartzeko 5 euro ordaindu beharko dira eta abiatzea goizeko 9etan eginen da plazatik. Bukaeran zintzur bustitzea ere izanen da.
Xehetasun gehiagorentzat Sarako Turismo Bulegorat dei daiteke: (0033) 559 542014.