Senpertar ainitzek parte hartu du lurralde elkargo bereziaren aldeko manifestaldian

6.000 lagunek parte hartu zuten ekainaren 1ean Baionan egin zen Lurralde Elkargo Bereziaren aldeko manifestaldian, hauen artean senpertar ainitzek. Hautetsiez gain, auzapez an­derea buru, herritar frangok ere esku hartu zuen mobilizazioan, hauen artean gazte ainitz zelarik. Frantzia  deszentralizatzeko hiru­ga­rren prozesuaren barnean, egitura berria sortu nahi dute Iparraldean hurbiltasun gehiago izateko erabakiguneekin, garapen ekonomikoa eta herritarren ongizatea hobetzeko, eta ko­he­rentzia gehiago erdiesteko tokiko kudeaketan. Baionako merka­taritza ganbarak, auzapezen %65ak eta 7 legebiltzarkideetatik seik nahi dute aldaketa ins­tituzionala. Manifestaldiaren hondarrean gehiengoaren nahia en­tzutea, kontuan hartzea eta gauzatzea galdetu zioten François Hollande errepublikako presidenteari. Ondoko egunetan, euskal hautetsiek eskaera hau Pariserat eramanen dute.