Artisau ofizio Zaharren Eguna ospatuko da ekainaren 22an Urrozen, bigarren aldiz. Aurten, udalak eta herriko gazteek, Partzuergoaren laguntzarekin berrikuntza bat sartu dute egitarauan: goiko zelaietatik herrira belarra kableen sistema batekin nola garraiatzen eta metatzen zen erakutsiko da.
Larunbat goizeko 10:00etan artisauen erakusketa eta azoka zabalduko da. 12:00etan belar garraio eta metatze erakusketa izanen da. 13:00etan, artisauen produktuez osatutako saskiaren zozketa eginen da. 14:00etan bertso eta kantu bazkaria izanen da. Julio Soto eta Iker Zubeldia ariko dira bertsotan, Erramun Martikorena kantari eta Beñat Mitxelena akordeoiarekin. Arratsalde guzian musika izanen da.