Doneztebeko Udalak, 3 eta 12 urte bitarteko neska-mutikoei zuzendutako ludoteka zerbitzua eskainiko du eskolako gimnasioan uztailaren 1etik abuztuaren 30era, larunbat eta igandetan izan ezik. Interesatuek ekainaren 25a, astearte eguerdiko 13:00ak baino lehen eman beharko dute izena Udaletxean.
Uztailean eta abuztuan, goizeko 9:00etatik 13:00etara eskainiko da zerbitzua eta bertzeak bertze, jarduerak igerilekuan eta euskara-ingelera eginen dute, tituludun hezitzaileen eskutik. Kuotei dagokienez, hamabost egunerako 80 euro ordaindu beharko da, hilabetekoa 125 euro, hilabete terdikoa 200 euro eta bi hilabetekoa 250 euro. Deskontuak ere eskainiko dituzte. Hala, famili bereko bigarren haurrarentzat %10 merkeago izanen da eta famili bereko hirugarren haurrarentzat %15 merkeago.