Otsailetik maiatz hondarra bitarteko hiru hilabetetan 131 langabetu guttiago daude eskualdean, baina %6 igo da inolako langabezi-prestaziorik kobratzen ez dutenen kopurua (30 gehiago).
Maiatz hondarrean 1.405 langabetu zeuden Doneztebeko Enplegu Bulegoan izena emanak, hilabete lehenago baino 66 guttiago. Beraz, %4,49 jautsi da langabetu kopurua eta Nafarroa osoko bulegoen artean (banaz bertze %2,31 jautsi da langabezia) jautsiera nabarmenena izan da Doneztebekoan.
381 kontratu egin ziren Doneztebeko Enplegu Bulegoaren bitartez maiatzean, baina horietatik 33 bakarrik izan ziren mugagabeak.