Bestaberri eguna ongi joan zen. Goizetik prozesiorako animoa zuen jendeak eta belarra biltzen ibili zen. Herriko txokorik politena lehiaketako epaimahaia ere harat-honat ibili zen.
Udal ordezkaritza ere bildu zen Herriko Ostatuan bazkaltzera. Arratsaldean meza eta prozesioaren ondotik gazta lehiaketa egin zen. 9 gazta aurkeztu ziren, Azkuntzolota, Parazelaieta, Olasenea, Idiartekoborda, Elamenekoborda, Serokoborda, Martuntzenea, Seroinea eta Elizgainetik. Txapeldun atera ziren Parazelaietako gazta eta bigarren Serokobordakoa. Txokorik politenaren saria, berriz, Goikoetxeari eman zioten eta bigarren saria Eguzkilore etxeari. Bi txapelketetan sariak, txapeldunentzat bi otordu Herriko Ostatuan eta azpitxapeldunentzako bi botil ardo izan dira. Gero, berendua egin zen eta gazta guziak jan ziren. Herriko musikarien doinuekin giro ederrean joan zen arratsaldea.