Uztailaren 19an hasiko dira bestak eta antolaketa lanetan dabiltza burubelarri Udala eta herritarrak. Joan den urtean lehendabiziko aldiz antolatu zen kartel lehiaketaren arrakasta ikusirik, aurten berriro ere luzatu du deialdia Udalak, xehetasun guziak udaletxean bertan edo udala@ituren.es. Lanak aurkezteko epea ekainaren 21ean akituko da. Irabazleak 100 euro eta sari sorpresa izanen ditu.