Aitzineko bi urteetan bezala, aurten ere Iraitz Etxebarria bizkaitarra nagusitu da Xabi Telletxea zenaren omenez maiatzaren 18an egindako Igantziko BTT jautsiera probaren hirugarren edizioan. Nafarroako txapelketa ere Euskadiko Irekirako baliagarria zen proba honetan erabaki zen.
Eguraldiak erabat baldintzatu zuen jautsiera, euriz leher eta haize handia baitzebilen. Horregatik, txirrindulariek hotz handia pasatu behar izan zuten eta ibilbidea erabiltzen zuten neurrian, lohi handia egin zen.
Lehenbiziko jautsieran 64 lagunek parte hartu zuten, baina bigarrenean bakarrik 47k, kategoria ezberdinetan ohorezko postuengatik lehiatzeko moduan zeudenak.
Emakumezkoen artean Laia Barbero nagusitu zen (4:13.06); bigarren urteko junior mailan Barakaldoko Guillermo Cañas izan zen bizkorrena (3:59.72) eta elite kategorian Hondarribiko Martxel Oronoz nagusitu zen.
Nafarroako tituluei dagokienez, elite kategorian sailkapen orokorrean hamekagarren izan zen Iñigo Yanci beratarra suertatu zen Nafarroako txapeldun elite mailan (3:55.54) eta Oronoz-Mugairiko Iñaki Esarte master 30 mailan (4:24.36)
SAILKAPEN OROKORRA
1. Iraitz Etxebarria (Sub23) 3:16.27
2. Daniel Olarra (junior) 3:26.15
3. Eric Portillo (sub23) 3:36.34
4. Martxel Oronoz (Elite) 3:40.58
5 Txomin de Vega (Elite) 3.42.33
6. Andoni Cabodevilla (sub23) 3:44.50
7. Benjamin Torre (sub23) 3:45.29
8. Andrés Marcos (Elite) 3:38.44
9. Ivan Blanco (master30) 3:49.51
10. Victor Saenz (master30) 3:54.95