Nekazaritza ekologikoa lantzeko hastapen ikastaroa antolatu du Cederna-Garalurrek Lekunberrin. Ekainaren 7, 8, 14 eta 15ean eskainiko da, ostiraletan 16:00etatik 20:00etara eta larunbatetan 09:00etatik 13:00etara. Arlo teorikoa Lekunberriko udaletxean emanen da eta arlo praktikoa udal lursail batean.
Nekazaritza ekologikoaren printzipioak lantzen hastea da helburua, bai arlo teorikoan, baita arlo praktikoak ere, ikasleak, ikastaroa bukatuta, baratze ekologiko bat landu ahal izan dezan. Publiko osoari eta bereziki baratze ekologikoa lantzen hasi nahi duten, edo beren ohiko baratzea baratze ekologiko bihurtu nahi duten guztiei bideratuta. Besteak beste lurra aztertzea, lurra prestatzea, haziak eta landaretxoak, hazi eta landare ekologikoak lortzea, laboreak elkartzea, laboreak txandakatzea, zure baratzea diseinatzea, hesidurak, ongarritzeak, izurrien eta gaitzen kontrola, ereitea edo landatzea eta laboreen jarraipena landuko dituzte.
Izen emateko 696 539 810 telefonora deitu edo igastaminza@cederna.es helbide elektronikora idatzi behar da.