Malerreka Eguneko mus txapelketan jokatzeko sailkapen partidak jokatu ziren Herriko Ostatuan maiatzaren 10ean. Lau bikote aritu ziren lehian, eta finalera Endika eta Iñigo alde batetik eta Manolo eta Xabier, bertzetik, ailegatu ziren.
Oso partida polita ikusi zen eta azken momentura arte gauzak parekatuak izan ziren. Bi bikoteek merezi zuten irabaztea baina bat izaten da txapelduna. Azkenean, Manolo Gamboa eta Xabier Irisarri izan ziren txapeldun eta eurek osatutakoa izan da Elgorriaga ordezkatu duen bikotea Eratsunen. Hurrengo alean jakinen dugu Eratsunen irabazterik izan duten edo ez.