Doneztebeko eskolako lehen eta bigarren hezkuntzako hainbat irakasle eta guraso bildu ziren maiatzaren 9an gobernuak onartu duen LOMCE hezkuntza kontrarreformaren aurka protesta egiteko. Izan ere, lege honek eskola publikoaren baloreak deusezten dituela uste dute. Bilkuran adierazi zutenez, «Erreforma berzentralitzailea, antidemokratikoa, publikoaren kalterako irakaskuntza pribatua sustatzen duena, merkantilista, baztertzailea, curriculuma guztiz aldatzen duena, laikotasunaren eta baloreen hezkuntzaren kontrakoa, desberdintasunak sustatzen dituena, emakumeen eta gizonen arteko berdintasuna ahazten duena eta irakasleen lana gutxiesten duena da». Horregatik guztiagatik Ez haundi bat erran zioten LOMCEri, «eskola publikoa denona eta denontzat delako».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun