Iruñea eta Irun lotzen dituen N-121-A errepidea itxita egon da azken astean, Belate parean. Tunelen parean bertze luizi bat gertatu zen maiatzaren 18ko gauean eta horren ondorioz, berriz itxi behar izan zuten. Astebeteko lanen ondotik, Irunera doan erreia gaur zabalduko dutela jakinarazi du Nafarroako Gobernuak. Iruñea aldera joateko, ordea, Belateko mendatea erabili beharko dute ibilgailuek.
Luizi ugari azken hilabetean
Ez da azken hilabetean gertatutako luizi bakarra. Joan den apirilarenn 14an eta 29an luiziak izan ziren, eta azken erortzaren ondotik, errepidea itxi egin behar izan zuten. Maiatzaren 8an zabaldu zuten Irunerako erreia, baina maiatzaren 18an lurra erori ondotik, berriz itxita gelditu zen bi noranzkoetan.