Aurten hirugarren aldiz, Laxoa Eguna eginen da igandean Oizen, Oizko Udala, Oizko posada eta landa-etxeen eta Bertizko Turismo Partzuergoaren ekimenez. Egun osoko egitaraua prestatu dute eta tartean omendu bat ere izanen da, Eusebio Arregi guante-egilea, Doneztebeko zapateroa bezala ezaguna.
11:00etan guante egileari omenaldia eginen zaio eta ordu horretan zabalduko da herriko artisauen erakusketa. 11:30ean Baztan-BIdasoaldeko Laxoa Txapelketako partida jokatuko dute Oiz eta Doneztebe E taldeek. 12:00etan, garai batean bezala, jokoa gelditu eta angelusa abestuko da. Gisa berean, jokoaren arauen inguruko azalpenak emanen dituzte.
13:00etan zonaldeko produktuen dastaketa eginen da eta haurrentzako laxoa tailerra ere bai. Guante egileen erakusketa ere izanen da hori guztia musikaz alaiturik eginen da. Akitzeko, Oizko Posadan bi lagunentzako bazkaria ere zozketatuko da.