Transbidasoa-Euromaster taldeko txirrindulariak Nafarroako Itzulian aritu ziren apirilaren 19tik 21era. Tutera, Monteagudo eta Irurtzunen izan ziren lau etapak eta maila izugarria izan zen parte hartzaileen artean. Azkenean Orquin taldeko Héctor Guerra madrildarrak lortu zuen garaipena.
Lehen egunean soilik 69 parte hartzailek lortu zuten laisterketa akitzea eta ondorioz sailkapen nagusiaren lehiatik kanpo txirrindulari ugari gelditu ziren. Taldea lehiakor aritu zen. baina ez zuen aitzineko postuetan ibiltzeko aukerarik izan. Ion Zeberio elizondarrak 19. postua eskuratu zuen sailkapen nagusian, senior mailan sailkapen nagusia eta hiru etapetan lehen postua lortuz. Aipatzekoa da Zeberio berak taldearen denboraldiko lehenbiziko garaipena ere lortu zuela hilaren 5ean Burgosen egindako lasterketan.