Agorreta Musika Eskolak 2013-2014 ikasturterako izen emateko epea zabalduko du. 6 urteko umeentzat musika eta mugimendua eta 7 urtetik goitikoentzako lau zikloetaz gain, eskaintza bereziak izanen dira 12 urtetik goitikoentzat eta helduentzat, instrumentua ikasteko solfeorik gabe edo Haur Abesbatzan parte hartzeko, 2. eta 3. zikloetan ikasi gabe. Akordeoia, gitarra, gitarra elektrikoa, pandereta, perkusioa, pianoa, trikitixa eta txistua ikasten ahal da. Izen emateko epeei dagokienez, ikasle zaharrek maiatzaren 20tik 24ra egiten ahal dute eta ikasle berriek maiatzaren 27tik ekainaren 7ra. Irailaren 9tik 13ra ere epe berezia irekiko da eta familia ugariagatik deskontuak izanen dira.