Koteto Ezkurra doneztebarra izan da apirileko erremontelarieik onena, Oriamendi 2010 enpresak egiten duen rankingaren arabera. Partida nagusiak jokatzen ez dituztenen B multzoan berriz, Aritz Zubiri goizuetarra izan da onena.
Koteto Ezkurra Doneztebeko aurrelari handiak apirilean jokatutako lau partidak irabazi ditu eta hortaz, 40 puntu eskuratu ditu. 2011ko uztailean ranking-a egiten hasi zirenetik bigarren aldiz nagusitu da Ezkurra. Apirilean gibelean utzi ditu Matxin III (37.6 puntu) eta Etxeberria III (37 puntu).
B multzoan, Aritz Zubiri Goizuetako atzelariak 37,83 puntu eskuratu ditu, jokatutako sei partidetatik bost irabazi eta gero. Etxabe II (36,8 puntu) eta Etxeberria IV (34,6 puntu) utzi ditu atzean. Zubiri ere bigarren aldiz izan da bere multzoko erremontelaririk onena.