Doneztebarrak merkatari elkarteak 200 euroko 4 bale zozketatuko ditu. Parte hartu ahal izateko, merkatari elkarteko denda, tailer, ostatu eta entitateetan guttienez 5 euroko erosketa egiterakoan, izen abizenak, telefonoa eta herria apuntatu behar dira. Apirilaren 29tik maiatzaren 10era martxan da kanpaina. Datorren ortziralean, maiatzak 10, Udaberriko feriarekin batera, arratsaldeko 7etan zozketa eginen da.
Aurtengoan, Udaberriko Feriarekin batera, Doneztebarrak merkatari elkartekoak postua jarriko dute Merkatu kalean. Feria goizez izaten bada ere, merkatariak egun guztian egonen dira karrikan, goizeko 10:00etatik arratsaldeko 8:00etara. Gainera, arratsaldeko 5etan haurrentzako aktibitateak ere izanen dira. Zehazki, Amaya Estetika Zentrua, Cosas de Casa, Belen loredenda, Kimetz belardenda, Kosma arropadenda, Kukuka haur arropa denda, Marash zapatadenda, Mendaur Motor, Onddo ta punto, Mendaur pentsuak, Jose Luis San Miguel tailerrak eta Santestena tailerrak izanen dira beraien produktuak karrikara aterako dituzten establezimenduak.