Donamaria-Gazteluko Udalak antolatuta Kulturaldia eginen da egunotan. Maiatzaren 1ean, asteazken arratsaldeko 6etan haurrendako filma eskainiko da erabilera anitzeko aretoan eta 8etan Gartxot filma emanen dute leku berean.
Maiatzaren 2an, ortzegun arratsaldeko 5etan Goxoki tailerra eginen da, erabilera anitzeko aretoan. 18:30ean Gorputz heziketako tailerra eginen da herriko plazan. 20:00etan Zaborrak nora? hitzaldia izanen da erabilera anitzeko aretoan.
Maiatzaren 3an, ortziralean, trukaketa azoka izanen da haur eta gazteendako herriko plazan, 17:00etatik aitzinera. 19:00etan talo tailerra eta berendu-afaria eginen dira frontoian eta 22:00etan mus txapelketa, Malerreka Eguneko finalerako txartela jokoan izanen da ostatuan.
Maiatzaren 4an, larunbat goizeko 9etan abiatuta Ibargoiarako mendi ibilialdia eginen dute haur eta helduek. Gosaria norberak eraman beharko du. Herrira bueltan, 11:30ean xaboi tailerra eginen da frontoian eta horretarako sukaldeko olio erabilia eraman beharko du partaide bakoitzak. Ordu berean, Birziklatuz jostailuak eraiki haurrendako tailerra eginen da eta brik eta ontziak eraman behar dituzte. 17:30ean Conquista y desconquista de Navarra hitzaldia eskainiko du Tomas Urzainkik jauregian. Ordu berean, Musuak margotzea eta margo lehiaketa haurrendako. 19:00etan Kantaldia Gaztelu Taldearekin, jauregian. Akitzeko, 21:30ean kantu-afaria eginen da Agerralderekin, Donamariako ostatuan. Txartelak salgai daude ohiko lekuetan.