Maiatzaren 1ean irekiko da izokin eta amuarrain arrantza denboraldia. Amuarrainaren kasuan, ekainaren 30a bitarte arrantzatu ahal izanen da eta izokinari dagokionez, 52. arrantzatu bitarte edo, kopuru horretara ailegatzen ez bada, uztailaren 15a bitarte. Bidasoa errekan, Endarlatsa eta Funverako presa artean arrantzatzen ahal da eta bakarrik “Lehenbiziko”a saltzen ahal da.
Joan den urteko sistema bera erabiliko da aurten ere arrantzarako. Arrantzaleek arrantzarako baimen berezia izan beharko dute, www.permisopesca.navarra.es webgunean edo 012 InfoNavarra telefonoan eskura daitekeena, astelehenetik ortziralera, 8:00etatik 19:00etara.
Guzira 27.194 baimen banatuko dira. Eskualdeari dagokionez, Baztan-Bidasoaldean 9.911 baimen banatuko dira eta Oria-Urumealdean 2.712 baimen.