Azken aldian okerrera egin zuen Francisco Patxi Baldaren osasun egoerak eta azkenean martxoa-ren 27an ingresatu eta bi egunen burura, martxoaren 29an, hil zen 84 urterekin.
Gizon irekia, ona eta atsegina zen. Eskualdean Ezkurrako taxista bezala ezagutzen zuten eta errepidean zuen zuhurtziagatik eredu izan zen. Sei seme-alaben aita zen eta sarritan ibiltzen zen bere emaztearekin Perraleku inguruan paseoan. Aurten beteko zituen 85 urte eta Arkupeak elkarteak omenaldi xume bat egiteko asmoa zuen. Urtemugan ez da gurekin egonen, baina izan bitezela lerro hauek ongi merezia duen omenaldia.