Arkupeak elkarteko Ezkurrako 11 bazkidek irteera egin zuten martxoaren 14an Donostiara eta Aginaga sagardotegian bazkaldu zuten gero. Eguraldia ez zuten lagun izan. Herriaren irteera elurtuta eta errepidearen egoera ere kaxkarra zen, baina poliki poliki lortu zuten Gipuzkoako hiriburura iristea. Han elkartu ziren elkarteko 320 bazkide. Ezin izan zuten gehiegi gozatu Donostian egin gogo zuten ibilaldiaz, haize zakarra, euria eta kazkabarrak ez baitzieten utzi alde zaharra lasai bisitatzen. Sagardotegian aldiz, ederki pasa zuten eta bapo bazkaldu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun