Erreka eta Mendaur Guraso Elkarteek elkartasun futbito txapelketa antolatu dute. Txapelketa mistoa izanen da eta 13 kategoriatan banatuta, 2008an jaiotako haurretatik hasi eta 1982a baino lehenago jaiotakoak bitarte. Doneztebeko kiroldegian jokatuko da apirilaren 3, 4 eta 5ean, goiz eta arratsaldez. Talde bakoitzean guttienez 3 neska eta 3 mutiko izan behar dute. 16 urte artekoek ikastetxetan eman beharko dute (euro bat jokalariko) eta helduagoek ostatuetan (2 euro). Izen ematean lortzen den dirua janari-bankua hornitzeko izanen da.