Asteburu honetan abiatu da Laxoa Elkarteak hogeita hamalaugarren aldiz antolatutako Baztan-Errekako laxoa txapelketa. Hameka talde hasiak dira abuztuaren 3an Doneztebeko plazan jokatuko den finalerako txartel bila.
Lehenbiziko multzoan, Arraioz A eta Doneztebe Aren arteko partida bertan behera gelditu zen, Arraiozko belarrezko plaza arras bustia zegoelako euriarengatik. Doneztebe Ck 3 eta 9 irabazi zion Doneztebe Dri eta Irurita Ck atsedena zuen.
Bigarren multzoan bai, partida guziak jokatu ziren. Irurita Ak 9 eta 6 irabazi zion Irurita Bri; Oizek 9 eta 3 irabazi zion Doneztebe Bri eta Doneztebe Ek 4 eta 9 galdu zuen Arraioz Bren kontrako partidan.
Bigarren jardunaldia
Apirilaren 6-7ko asteburuan jokatuko da bigarren jardunaldia.
Lehenbiziko multzoan
Arraioz A – Doneztebe C, larunbatean 17:00etan.
Doneztebe A – Irurita C, igandean 16:00etan.
Dk atsedena.
Bigarren multzoan
Irurita B – Doneztebe E, igandean 11:30ean.
Oiz – Irurita A, larunbatean 17:00etan.
Doneztebe B – Arraioz B, larunbatean 17:00etan.