N-121-A errepidean, Amixelaietako tunela itxi eginen dute martxoaren 20an, asteazken goizeko 9:00etatik aitzinera, mantenimendu lanak egiteko. Gehienez ere, martxoaren 22a bitarte, ortziral goizeko 9:00ak arte egonen omen da itxia.
Beraz, asteazken goizetik hasita, errepide zaharra hartu beharko dute ibilgailuek. Honela, Irunerako norabidean doazenek Etxalar-Lesakako irteera hartu beharko dute, 59,450 kilometroan eta errepide zaharretik joan zentrala bitarte, berriz ere errepide nagusira sartzeko. 3 kilometro inguru eginen dituzte errepide zaharretik.
Iruñera doazenek, berriz, Lesakako irteera hartu beharko dute eta berriz ere Lesakatik N-121-A errepiderako lotura hartu. Errepide zaharraren barna kilometro bat eginen dute ibilgailuek.