Otsaileko azken asteburuan Nafarroako Erreinuko Itzulia jokatu zen Erribera aldean, hiru etapa bi egunetan, Los Arcos, Fitero eta Milagron. TransBidasoa-Euromaster taldeko sei txirrindulari gerturatu ziren, Mikel Arburua, Riki Martínez, Luziano Mitxelena, Ion Zeberio eta Jabi eta Ibon Urtiaga anaiak. Lehen etapa Los Arcosen, 4 kilometroko erlojupekoa, espezialitate honetako Nafarroako txapelketa zen; Beteluko Ibon Urtiagak 4. postu bikaina eskuratu zuen Espainia mailako master mailako txirrindularien aurka eta Nafarroako txapelketa irabaztea lortu zuen; Luziano Mitxelena lesakarrak eta Ion Zeberio elizondarrak ere euren mailetan txapela lortu zuten. Beraien mailetan parte hartzaile gutti izan arren, bere lana ederki bete zuten TransBidasoa-Euromasterko taldekideek.