Aurten ere ez da Korrika herritik pasako, baina herritarrak ez dira Korrika gosez geratuko.
Hasteko, Pulunpa eskolakoek Korrika Ttiki antolatu dute, martxoaren 15ean izanen da, arratsalde partean hasita. Egun honetako beraien petoak prestatzen ari dira eskola orduetan. Lekukoaren barrenean, haurrek prestaturiko testua sartuko dute eta ibilbidea akitu ondotik plazan bilduko dira denak, leloa irakurri eta murrizketen kontrako argazkia ateratzeko. Indarberritzeko, Guraso Elkarteak antolatutako txokolatea jango dute guztiek.
Korrika ofiziala herritik pasatzen ez bada ere, herriko jende aunitzek parte hartuko du bere kilometroa eginez. Martxoaren 17an goizaldean Bortzirietatik sartuko da Malerrekara. Udalak kilometroa hartua du Sunbillako bidegurutzean, baina lehenagotik 638.kilometroan Malerrekako herrietako eskoletako guraso, haur eta irakasleek hartuko dute lekukoa 06:40 aldera.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!