Ikastaro batzuk antolatu ditu Udalak, Nafarroako Gobernuaren Kultura Departamentuaren laguntzarekin: Informatika (lehen urratsak informatikan eta posta elektronikoa sortu…); Euskara (EGA titulua, alfabetatzea euskaldun zaharrei zuzendu eta Acercate al euskara); Arropa konponketa (jostea, arropa konpontzea…); Baratzeko teknikak eta Argazkilaritza eta Bideoa (bi mundu hauetan hobekiago ezagutu eta gauza politagoak ikasteko ).
Bost kurtso hauetan izena ematen ahal da udaletxera deitu edo udala@ituren.es helbide elektronikora idatzi. Martxoaren 14an akituko da epea. Ikastaroari buruzko xehetasunen berri izan eta zalantzak argitzeko martxoaren 18an, astelehen arratsaldeko 7:00etan udaletxean bilera eginen da. Kurtso guztiak Aste Santu ondotik hasiko dira eta laburrak izanen dira.
Bertze aldetik, egur loteak banatu ditu berriki Udalak. Herriko edozeinek egiten ahal zuen eskaria eta norbere etxean entregatu zuten egur lotea. Egur loteak botatzen eta banatzen Maderas Enbor enpresa aritu da.