Udalak, agiri bat bidali die herritar guztiei eskolaren inguruan dauden datu berriak zabaltzeko. Bertzeak bertze, egungo egoera zein den azaldu eta berritze lanak egiteko dauden eragozpenak irakurri litezke bertan. Krisi ekonomikoak ez du laguntzen eta lanak auzolanean egitea ezinezkoa dela aipatzen dute, lan-istripuak gertatzeko arriskua handia delako. Horren ondorioz, proiektu bat idatzi du Udalak eta inguruko enpresen artean eskaini nahi dute. Proiektu horretan zehaztu dute obrak hartzen dituen enpresak, gutxienez zer egin behar duen: Teilatua berritu, lau paretak eta lehioak berritu, 1.go eta 2. solairuko lurzorua bota eta beheko solairuko obra egina utzi.
Gisa honetako aferetan, zenbat buru, hainbat aburu.... Horregatik, udalak informazioa emateaz gain, herritarrei beraien proposamenak egiteko bidea zabaldu nahi die.