Langabeziko datuak gero eta kezkagarriagoak dira eskualdean eta otsail hondarrean 1.536 langabetu zeuden Doneztebeko Enplegu Bulegoan izen emanak, ilbeltzean baino 36 gehiago. Langabetu kopurua neurtzen denetik inoiz ez dira hainbertze izan eskualdean eta Nafarroako osoko banaz bertzekotik (%1,67 igoera) goiti igo da Doneztebekoan (%2,40 gehiago). Egoera oraindik kezkagarriagoa ageri du ondoko koadroak, langabetuen %41,66ak ez baitu dagoeneko langabezi-prestaziorik kobratzen.