Martxoaren 26an ospatuko dute Malerrekako eskola ttikien joku topaketa Sunbillan eta kasik 200 haur espero dituzte egun horretan, Haur Hezkuntzako 75 ikasle Lehen Hezkuntzako 112.
Goizeko 9:00etan elkartuko dira ume guztiak eta adinaren arabera taldetan banatuko dira, bakoitza bere kolorea eta irudiarekin. Ordutegi ezberdinetan tailerrak, ginkana-jokoak eta zinea izanen dute. Bazkaria izanen dute eta bazkalondoan, kalejira eta Txantxariak taldearen emanaldia.