Nafarroako Kutxa Fundazioaren Zuk aukeratu, zuk erabaki kanpainan parte hartzeko bat egin dute herriko zenbait erakunde eta elkartek. Zehazki, udalak, jubilatuen elkarteak, Umore Ona elkarteak eta Guraso elkarteak herriko proiektu bateratua aurkeztu dute. Horrela biltzen den diru guztia herrian egiten diren ekintzak ordaintzen laguntzeko izango da. Orain arte, Nafarroako Kutxako bezeroa izan behar zen egitasmo hauetan laguntza emateko, baina aurtez ez. Orain ez. Ez da beharrezkoa Caixako edo CANeko bezeroa izatea. Proiekturen bat aukeratzeko baldintza bakarra Nafarroan erroldatuta egon eta 18 urte baino gehiago izatea da. Hauek aukeratutako proiektuari 10 euroko dirulaguntza bideratu ahal izango dute. Baina garbi izan behar da diru hori ez duela norberak bere poltsikotik eman beharko, Fundazioak berak bere funtsetatik baizik. Herriko proiektua aukeratu ahal izateko, herrian zabalduko diren orriak bete egin beharko dira eta aipatutako erakunderen batean utzi.