Otsailaren 10an jokatu zen Herriko Etxeko ganbaran hirugarren final laurdena. Bertan herriko bi bertsolari, Alazne Untxalo eta Egoitz Gorosterrazu aritu ziren kantari, Eneko Lazkoz, Aimar Karrika, Ioar Tainta eta Iñaki Alemanekin batera. Ganbara oso ttiki gelditu zen, 160 ber-tsozale elkartu baitziren. Saio txukuna izan zen, giro onekoa. Herriko bertsolariek beraien lana ederki egin zuten eta hasierako nerbioak utzita saioa txukun bukatu zuten. Saioa bukatu ondotik honela gelditu zen sailkapena: Eneko Lazkoz izan zen aurrena, ondotik Aimar Karrika eta hirugarren Iñaki Aleman. 4, 5 eta 6. postuetarako lehia egon zen, baina azkenean horrela geratu zen: Ioar Tainta laugarren, Egoitz Gorosterrazu bosgarren eta Alazne Untxalo seigarren.
Herriko bertsolariak final aurrekoetatik kanpoan geratu dira, baina han-hemen segituko dute bertsoak botatzen.