“Artelanen artean amets egin” ekimenaren ate irekien ekitaldia burutu zen Martiornia landetxean otsailaren 15ean. Bi emakume, Rakel Ariztegi, landetxearen jabea eta Iciar Mikelperizena, Sunbillan bizi den margolari beratarra , duela hilabete batzuk emaitza ikusgarria eman duen elkarlan honetan hasi ziren eta zonaldeko arlo turistiko eta artistikoko dituzten lagunei erakutsi nahi izan zieten.
Iciar Mikelperizena, goiz hasi zen arte plastikoetan, diseinu grafikoa eta margolan artistikoa ikasi zuen eta bere lanak 2006an hasi zen erakusketetan agertzen. Martiornia landetxeko erakusketa honetan, adierazkortasun eta kolorez beteriko lan batzuk ikus ditzakegu.
Rakel ere gazterik hasi zen ere landa turismoaren lanetan, 1998 urtean, Oitzeko Martiornekoborda etxearekin. Urte hauetan, bere anaiarekin batera, bisitariei eskaintzen dizkien instalakuntzak eta zerbitzuak zabaltzen eta hobetzen joan da, beti dekorazio eta etxeen erosotasunean hobekuntzak egiten.